லிட்டுவின் நூல்கண்டு - 2

      லிட்டு முன்பு போலவே நூல் கண்டின் நுனியைப் பிடித்தபடி உருட்டினான். அது வேகமாக ஓடியது. பிரிந்து உருண்டு ஓடும்அதன் வேகத்தில் நூல் கண்டே தீர்ந்துவிடும் போல இருந்தது . 

     லிட்டுவுக்கு குளிர் அதிகமாகத் தெரிந்ததால் நூல்கண்டைப் பின் தொடர்வதற்கு கொஞ்சம் கடினமாக இருந்தது இப்போது நூல் கண்டு ஐரோப்பாவில் இருந்த ஒரு பெரிய பண்ணையின் உள்ளே உருண்டு ஓடியது . 

     அங்கு மேய்ந்து கொண்டிருந்த ஒரு மாடு நூல்கண்டை பச்சை புல் என நினைத்து சேர்த்து மேய்ந்து கடித்துத் துப்பியது .

    "நான் உலகத்தின் ஆதியும் அந்தமும் தேடிக் கொண்டு போகிறேன் . அதனைக் கண்டு பிடிக்க உதவும் நூல் கண்டை புல் என நினைத்து நீ கடித்துத் துப்பிவிட்டாய் " என்று கூறிய விட்டு துள்ளி வந்த பசு கன்றை மெல்ல தடவிக் கொடுத்தான் . 

   தொழுவத்தின் உள்ளே சென்ற மாடு மஞ்சள் நிற நூல் கண்டைக் எடுத்து வந்து கொடுத்தது . 

    லிட்டு இம்முறை சிந்தனை ஏதும் இன்றி நூலின் நுனியைப் பிடித்துக் கொண்டு உருட்டினான் அதன் வேகம் மிக அதிகமாக இருந்தது . வட அமெரிக்காவில் ஒரு வினோதமான விலங்கின் அருகில் சென்றது . 

   இதற்கு முன் லிட்டு அதை நேரில் பார்த்ததில்லை அதை பீவர் என்று அழைப்பார்கள் தமிழில் நீர் நாய் என்று சொல்வார்கள் அதன் உரோமம் விலை மதிப்பு மிக்க தாம் . அதன் இரண்டு முன்  பற்கள் முன்புறம் நன்கு நீண்டு இருந்தன சிறிது நேரத்திலேயே சிறு கூட்டமாக அவை சேர்ந்து விட்டன . 

   ஒரு குட்டி பீவர் நூல்கண்டை பிரித்து இழுத்து வளைக்குள்  இழுத்துச் சென்றது 

  " ஏய் ... . ஏய்..... குட்டி பீவர் என் நூல் கண்டை துண்டாக்கி விடாதே , நான் உலகத்தின் ஆதியும் அந்தமும் தேடிக் கொண்டு போகிறேன் . அதனைக் கண்டு பிடிக்க உதவும் நூல் கண்டை  எதுவும் செய்து விடாதே" என்று லிட்டு சொன்னான் . ஆனால் அவன் சொல்லி முடிப்பதற்கு முன்னே குட்டி பீவர்கள் நூல்கண்டைக் கடித்து துண்டாக்கி விட்டன . 

  லிட்டுவின் குரலால் , பீவர்கள் எல்லாமே முன்னங்கால்களை இரு கைகளைப் போல உயர்த்தி நிமிர்ந்து பார்த்தன. 

  ஒரு உயரமான பீவர் , அதுதான் எல்லா பீவர்களுக்கும் தலைவனாக இருக்க வேண்டும் அது  ஒரு பாறையின் பின்னால் இருந்து ஆரஞ்சு நிற நூல் கண்டை எடுத்து வந்து தந்தது . முன்பு போல லிட்டு நூல் கண்டை உருட்டினான் அது காற்றைக் கிழித்துக் கொண்டு  ஓடியது பின் தொடர்ந்த லிட்டுவுக்கு மேல் மூச்சு கீழ் மூச்சு வாங்கியது . 
தொடர்ச்சி... link இல்

https://poovithalumesh.blogspot.in/2018/04/3.html?m=1