கவிதை

புராஜக்ட்

வெள்ளைத் காகிதத்தை 

பகல் என்று சொல்லி மடித்து வைத்தாள்

அதன் மீது 

அவள் பாதி சப்பிய ஆரஞ்சு மிட்டாயை

சூரியன் என ஒட்டி வைத்தாள்

கருப்பு காகித்த்தை 

இரவு என்று விரித்து வைத்தாள் 

அதன் மீது 

அறுந்து விழுந்த 

அப்பாவின் சட்டை பட்டனை 

நிலா என்று ஒட்டி வைத்தாள் 

புராஜெக்ட் தயார் 

இன்று திங்கட்கிழமை

அவள் உருவாக்கிய 

பகலும் இருக்கிறது இரவும் இருக்கிறது

அவற்றை பார்த்தபடி 

மாடத்தில் விளக்கு எரிகிறது.